Home -> News -> National News -> பிரதமர் மோடி துவக்கி வைத்த வந்தே பாரத் ரயில் பழுதாகி பாதி வழியிலேயே நின்றது!

பிரதமர் மோடி துவக்கி வைத்த வந்தே பாரத் ரயில் பழுதாகி பாதி வழியிலேயே நின்றது!

டெல்லி முதல் வாரணாசி வரை இயக்கப்படும் ரயில் சேவையான ‘வந்தே பாரத்’ ரயில் பழுதாகியதால் பாதியிலேயே நின்றது!

இந்தியாவின் அதிவேக ரயிலான வந்தே பாரத் எக்ஸ்பிரஸ் ரயிலை (டெல்லி–வாரணாசி) நேற்று டெல்லியில் பிரதமர் மோடி கொடியசைத்து தொடங்கிவைத்தார். இந்த ரெயில் தொடக்க ஓட்டத்தில் மணிக்கு 130 கிலோ மீட்டர் வேகத்தில் சென்று சாதனை புரிந்தது. இந்த ரயில், வர்த்தக ரீதியிலான பயணத்தை நாளை துவங்குகிறது.

வாரணாசியில் இருந்து இந்த ரயில் திரும்பி வந்து கொண்டிருந்த போது பழுதாகி நின்றது. தனது முதல் பயணத்திலேயே ரயில் பழுதானது பரபரப்பை ஏற்படுத்தியுள்ளது. தலைநகர் டெல்லியில் இருந்து 150 கி.மீட்டர் தொலைவில் பழுதாகி நிற்கும் ரயிலில், பயணித்த பத்திரிகையாளர்கள் உள்ளிட்ட பயணிகள் பிற ரயில்களில் அனுப்பி வைக்கப்பட்டனர். ரயிலின் கட்டுப்பாட்டு இழந்ததாகவும், தொழில்நுட்ப கோளாறு தற்போதைக்கு சீரமைக்க முடியாததாக உள்ளது எனவும் ரயில்வேத்துறை பொறியாளர்கள் கூறியதாக தகவல் வெளியாகி உள்ளது..