Home -> News -> Tamilnadu Politics -> அரசு கடமை தவறினாலும் ஆசிரியர் கடமை தவறலாகாது – கமல்

அரசு கடமை தவறினாலும் ஆசிரியர் கடமை தவறலாகாது – கமல்

தமிழகம் முழுவதும் ஆசிரியர்கள் மற்றும் அரசு ஊழியர்கள் நடத்தி வரும் தொடர் வேலை நிறுத்தம் போராட்டம் காரணமாக அரசு பள்ளிக்கு பயிலும் மாணவ, மாணவிகளின் கல்வி பாதிக்கபட்டு வந்த நிலையில், போராட்டத்தில் ஈடுபட்டு வரும் ஆசிரியர்கள் பள்ளி செல்ல பள்ளி கல்வித்துறை உத்தரவிட்டும் இன்று பள்ளிக்கு ஆசிரியர்கள் வரவில்லை. இன்று 7 மணிக்குள் ஆசிரியர்கள் பணிக்கு திரும்பாவிட்டால் அந்த இடங்கள் காலிப்பணி இடங்களாக அறிவிக்கப்படும் என தமிழக பள்ளிக் கல்வி இயக்ககம் தெரிவித்துள்ளது.

ஆனால் ஜாக்டோ ஜியோ அமைப்பு அரசு பேச்சுவார்த்தைக்கு நடத்தாத வரை நாங்கள் பணிக்கு வரமாட்டோம் என தெரிவித்துள்ளது. இந்நிலையில் மக்கள் நீதி மய்யம் கட்சி தலைவர் கமல் தனது டிவிட்டர் பக்கத்தில், கல்வியாளர்களை காப்பது அரசின் கடமை. கல்வியை காப்பது கல்வியாளர்களின் கடமை. அரசு கடமை தவறினாலும் ஆசிரியர் கடமை தவறலாகாது. பேச்சு வார்த்தைகள் உரிமைக்காய் தொடருட்டும். கல்விச்சாலைகள் கடமைக்காய் திறக்கட்டும். எட்டு கோடித்தமிழர்களின் உணர்வுகளின் சார்பாய் இதுவே என் குரல் என பதிவிட்டுள்ளார்.

Leave a Reply

Your email address will not be published. Required fields are marked *

*