" /> My Title page contents
Home -> News -> Tamilnadu News -> எஸ்பிகே நிறுவனத்தில் 168 கோடி ரொக்கம் பறிமுதல் செய்தது வருமான வரித்துறை

எஸ்பிகே நிறுவனத்தில் 168 கோடி ரொக்கம் பறிமுதல் செய்தது வருமான வரித்துறை

தமிழக நெடுஞ்சாலைத்துறை ஒப்பந்ததாரா் செய்யாதுரை தொடா்புடைய இடங்களில் நடைபெற்று வரும் வருமான வரித்துறை சோதனையில் 168 கோடி ரொக்கம், 103 கிலோ தங்கம் பறிமுதல் செய்யப்பட்டுள்ளதாக தெரிவிக்கப்பட்டுள்ளது.

தமிழகத்தில் நடைபெறக்கூடிய நெடுஞ்சாலை பணிகளை ஒப்பந்தத்திற்கு எடுக்கக்கூடிய முக்கிய ஒப்பந்ததாரரான செய்யாதுரைக்கு சொந்தமான இடங்களில் வருமான வரித்துறையினா் திங்கள் கிழமை அதிகாலை சோதனையில் ஈடுபடத் தொடங்கினா். செய்யாதுரைக்கு சொந்தமான எஸ்.பி.கே. நிறுவனம், நிறுவன பணியாளா்கள், செய்யாதுரையின் உறவினா்கள் வீடு, அலுவலகங்கள் என 30 இடங்களில் வருமான வரித்துறையினா் சோதனை மேற்கொண்டனா்.

சோதனையின் போது செய்யாதுரையின் வீட்டில் இருந்து வருமான வரித்துறையினர் ரூ.24 லட்சம் மட்டுமே கைப்பற்றி உள்ளனா். மேலும் அவரது வீட்டில் நின்று கொண்டிருந்த பி.எம்.டபிள்யு காரில் இருந்து ரூ.36 கோடியும், மற்றொரு சொகுசு காரில் இருந்து ரூ.25 கோடியை வருமான வரித்துறையினா் பறிமுதல் செய்துள்ளனா்.

இதே போன்று செய்யாதுரைக்கு சொந்தமான இடங்களில் நடைபெற்ற இடங்களில் இருந்தும் கட்டுக் கட்டாக பணம் மற்றும் தங்க நகைகள் பறிமுதல் செய்யப்பட்டுள்ளன. இரண்டு நாள்கள் நடைபெற்ற சோதனையின் முடிவில் மொத்தமாக 170 கோடி ரொக்கம், 103 கிலோ தங்க நகை பறிமுதல் செய்யப்பட்டுள்ளதாக வருமான வரித்துறை அதிகாரிகள் தெரிவித்துள்ளனர்.
மேலும் இந்திய அளவில் வருமான வரித்துறையினா் கைப்பற்றிய மிகப்பெரிய வரிஏய்ப்பு நடவடிக்கைகளுல் ஒன்றாக இந்த சோதனை இடம் பெற்றுள்ளது. மேலும் செய்யாதுரை வரிஏய்ப்பு செய்ததற்கான பல முக்கிய ஆதராங்களை வருமான வரித்துறையினா் கைப்பற்றி உள்ளதாகவும் தெரிவிக்கப்பட்டுள்ளது